Mánuður: desember 2010

Sólborg Hermundardóttir tilnefnd sem Íþróttamaður Skagafjarðar

568 Comments

Sólborg Hermundardóttir var af hálfu stjórnar GSS tilnefnd sem Íþróttamaður Skagafjarðar árið 2010. Sólborg átti gott ár í golfinu, varð klúbbmeistari í kvennaflokki, auk þess sem hún var burðarás í sveit klúbbsins, sem var aðeins hársbreidd frá því að tryggja sér sæti í efstu deild á Íslandsmóti síðasta sumar. Þá fengu tvö ungmenni sérstaka viðurkenningu frá UMSS fyrir framúrskarandi árangur á síðasta ári, en það voru þau Arnar Geir Hjartarsson og Sigríður Eygló Unnarsdóttir. Úrslit í kjörinu -voru tilkynnt í gærkvöldi og var Gauti Ásbjörnsson stangarstökkvari kjörinn íþróttamaður ársins í Skagafirði 2010. Stjórn GSS óskar þeim til hamingju með viðurkenninguna.

Sigríður Eygló, Arnar Geir og Sólborg með viðurkenningarskjöl sín.

Categories: Óflokkað

Skötuveisla GSS og Ólafshúss.

507 Comments

Komdu og fáðu nasaþefinn af jólunum á Kaffi Krók  Fimmtudaginn, 23. desember 2010, frá kl. 11:00 – 14:00

Þá er að renna í garð þessi yndislegi tími ársins þar sem heimilin fyllast af allskonar ilmi sem við tengjum öllu jöfnu við jólin.

Til að afla tekna hefur GSS ákveðið í samstarfi við velunnara okkar Kaffi Krók, sem m.a. hefur stutt dyggilega við mótaröðina okkar undanfarin sumur, að blása til stórfenglegrar skötuveilslu! Við höldum í fornar hefðir og bjóðum  Skagfirðingum og gestum þeirra nær og fjær að hittast og borða saman þennan þjóðlega rétt, auk þess sem boðið verður upp á síld, saltfisk, skötustöppu, saltfiskstöppu, rúgbrauð, smjör, hamsa, kartöflur og vestfirzkan hnoðmör, svo maður tali nú ekki um ilmandi grjónagraut, fyrir aðeins kr. 2.500.pr.mann.

Einnig er hægt að kaupa bjór, gos og snapsa af ýmsi tagi!

Nauðsynlegt er að panta borð skrá sig í matinn sem fyrst í síma: 845-6625 eða á videosport@simnet.is


Categories: Óflokkað