Mánuður: febrúar 2013

Golfæfingar barna og unglinga að hefjast

Um síðustu helgi fékk Golfklúbbur Sauðárkróks  grasteppi og hefur það verið lagt á hluta inniaðstöðunnar á Borgarflöt 2.  Það er því komin mjög góð aðstaða til pútt og vippæfinga.

Við ætlum því að hefja æfingar núna í vikunni. Þannig að fyrstu æfingar eru 20. og 21. febrúar.

Til að byrja með ætlum við að vera með eina æfingu í viku og skipta hópnum eftir aldri.

Yngri hópurinn ( 11 ára og yngri – 5.bekkur og yngri ) verður á fimmtudögum kl. 17:30 – 18:30. Eldri hópurinn ( 12 ára og eldri – 6. Bekkur og eldri) verður á miðvikudögum kl.17:00-19:00.  Við skoðum svo hvernig mæting verður og hvort að breyta þarf fyrirkomulagi á þessum æfingum.  Við skoðum svo fjölgun á æfingum þegar nær dregur vori.

Verð fyrir þessar æfingar fram á vorið eru: fyrir yngri hóp 4.000,- og eldri hóp 6.000,- Svo stefnum við á að fá golfkennara einhverjar helgar til að vera með okkur og þá þarf að greiða kr.1.000,- aukalega fyrir að taka þátt í þeim æfingum.

Svo þurfið þið að hafa með ykkur íþróttaskó/inniskó því við förum ekki á útiskóm inn á grasteppið.

Muna líka eftir golfkylfum, en við komum til með að einbeita okkur að púttum og vippum til að byrja með.  Endilega bjóðið áhugasömum vinum með ykkur til að prófa þessa frábæru aðstöðu sem við erum búin að bíða svo lengi eftir.

Categories: Óflokkað

Golfmót í golfherminum

Golfmót í herminum – uppfært

Mótið fer fram dagana 22-24 febrúar 2013.

Leiknar verð 18 holur á Beacon Ridge vellinum (í Eagle stroke).

 

Konur og öldungar leika af rauðum teigum en karlar af bláum.

Leikfyrirkomulag er höggleikur með forgjöf.  Miðað er við grunnforgjöf leikmanns og hækkar aukastafur ,5 og hærra  leikforgjöf upp í næstu heilu tölu en ,4 og lægra lækkar leikforgjöf niður í næstu heilu tölu.

Gert er ráð fyrir að þrír leiki saman í einu og hvert holl hafi þrjá tíma til að leika 18 holur.

Skráning mótið fer fram að Borgarflöt 2 eða hjá Muggi í síma 891-6244 og geta keppendur valið leiktíma miðað við það sem hér kemur á eftir:

Föstudaginn 22. febrúar munu 4 holl spila,  kl. 13, 16, 19 og 22.

Laugardaginn 23. febrúar munu 5 holl spila, kl. 9, 12, 15, 18 og 21.

Sunnudaginn 24. febrúar munu 2 holl spila, kl. 9 og 12.

Hámarksfjöldi þátttakenda er 33.

Keppendur skulu sjálfir færa skorkort, skráð af skjánum, og fá þeir það í hendur áður en leikur hefst. Að leik loknum kvitta leikmenn undir.

Komi það fyrir á meðan að leik stendur að tölvan frjósi eða geri annan óskunda er hægt að byrja upp á nýtt, fara í „new hole“ og hefja aftur leik á þeirri holu sem óhappið átti sér stað á. Þá kemur sér vel að hafa handfært skorið á skorkort þar sem skorið í tölvunni er væntanlega glatað.

Verðlaunaafhending verður í mótslok á sunnudeginum.

Veitt verða ein veðlaunin. Styrktaraðili mótsins er Hlíðarkaup.

Categories: Óflokkað

Félagsgjöld

Félagsmenn eru góðfúslega minntir á að vera búnir að ganga frá eða semja um greiðslu árgjalds 2013 fyrir þann 1. mars  2013.

Hægt er að hafa samband við gjaldkera félagsins Ragnheiði Matthíasdóttur í netfanginu rama@arskoli.is

Categories: Óflokkað