Góð þátttaka var í Holukeppni GSS en alls hófu 36 keppendur leik í lok júní. Úrslitaleikurinn fór síðan fram í byrjun september en til úrslita spiluðu þeir Guðni Kristjánsson og Jónas Kristjánsson. Réðust úrslit ekki fyrr en á 19 holu með sigri Guðna.

Athygli er vakin á því að Bænda- og freyjuglíman verður laugardaginn 14. september. Leikfyrirkomulag er punktakeppni með forgjöf.  Bændur og freyjur skipa lið, hollin skipa lið, og allir keppa við alla.  Keppendur þurfa að vera mættir klukkan 9:45 í skála.  Ræst út á öllum teigum klukkan 10:00.

Pizzahlaðborð að leik loknum og verðlaunafhending.

Þátttökugjald er kr. 3500 (mótsgjald og pizzahlaðborð).

Þá verða sigurvegarar í Ólafshúsmótaröðinni og Holukeppninni verðlaunaðir.

Uppskeruhátíð Golfklúbbs Sauðárkróks var haldin mánudaginn 9.september á Hlíðarendavelli.

Ljómandi góð mæting var, bæði iðkendur og foreldrar. Farið var yfir starfið í sumar og farið yfir helstu viðburði sumarsins.  Hægt er að skoða þetta allt saman á heimasíðunni www.gss.is en við höfum verið mjög dugleg við að birta þaðan fréttir og myndir úr starfinu í allt sumar.

Við skelltum á laufléttri púttkeppni og urðu úrslitin þau að Þórgunnur Þórarinsdóttir sigraði í 10 ára og yngri flokknum, Hákon Ingi Rafnsson sigraði í 11-14 ára flokknum og í 15 ára og eldri flokknum sigraði Aldís Ósk Unnarsdóttir.

Allir iðkendur fengu gjöf frá KPMG og Golfklúbbnum.

Síðan voru veittar viðurkenningar eftir sumarið.

Fyrir bestu ástundun fengu þau Aldís Ósk Unnarsdóttir, Arnar Freyr Guðmundsson og Hildur Heba Einarsdóttir.  Fyrir mestu framfarir fengu þau Telma Ösp Einarsdóttir og Hákon Ingi Rafnsson viðurkenningu. Að lokun voru bestu kylfingarnir útnefndir. Það voru þau Matthildur Kemp Guðnadóttir og Elvar Ingi Hjartarson.

Að endingu var svo heljarinnar pizzuveisla fyrir allan hópinn og allir fóru glaðir og sælir heim.

Myndir frá uppskeruhátíðinni er að finna á facebokk síðunni „Golfmyndir GSS“