Flokkur: Óflokkað

Frábært golfmaraþon

Á föstudaginn fóru börn og unglingar klúbbsins létt með að spila 1000 golfholur eins og þau hétu að gera til styrktar unglingastarfi klúbbsins. Það tók þau aðeins um 11 klukkustundir. Frábær stemming var meðal krakkanna og allir stóðu sig frábærlega, ekki sýst þau yngstu, sem gengu allan daginn og létu engan bilbug á sér finna.

Golfklúbbur Sauðárkróks þakkar þátttakendum og styrktaraðilum kærlega fyrir frábæran dag.

Categories: Óflokkað

Golfmaraþon á föstudag

Næstkomandi föstudag munu börn og unglingar freista þess að spila 1000 holur til styrktar unglingastarfinu. Hafa þau

Frá Unglingamótinu Nýprent Open

gengið í hús og fengið góðar viðtökur hjá íbúum á Sauðárkróki. Völlurinn verður ekki lokaður á föstudaginn, en aðrir spilarar eru beðnir um að sína sérstaka tillitssemi. Biðjum við félagsmenn að koma við á vellinum og hvetja krakkana áfram eða jafnvel spila með þeim nokkrar holur. Ef einhverjir hafa misst af krökkunum, þegar þau komu að safna áheitum, er hægt að koma við í golfskála og styðja við bakið á þeim.

Categories: Óflokkað

Mikið um að vera að Hlíðarenda

Í gær var mikill fjöldi fólks á Hlíðarenda. Mikil þátttaka var í miðvikudagsmóti, þar sem Sigríður Elín Þórðardóttir spilaði best allra. Þá voru tvö námskeið í gangi og margt fleira. Veður var með allra besta móti og gaman að sjá ný andlit í klúbbnum. Þrír hópar barna og unglinga stunda nú æfingar hjá klúbbnum. Þau yngstu eru frá klukkan 8-10 í samvinnu við Sumar Tím Sveitarfélagsins Skagafjarðar, en hinn eiginlegi golfskóli er frá klukkan 10-15. Um 40 börn og unglingar stunda nú golf á Sauðárkróki.

Næstu helgi verður síðan eitt stærsta mót sumarsins og án efa það glæsilegasta þegar Kvennamót GSS verður haldið. Þegar hafa um 50 konur skráð sig til þátttöku, en ólíklegt er að á nokkru móti hér á landi séu veitt jafn mörg verðlaun.

Categories: Óflokkað