Opna K.S mótið var haldið á Hlíðarendavelli síðastliðinn laugardag, spilað var Texas Scramble liðakeppti. Þátttaka í ár var með besta móti en alls skráðu sig til leiks 22 lið. Sigurvegarar mótsins var Team Orange en liðið var skipað þeim Hildi Hebu Einarsdóttur og Önnu Karen Hjartardóttur. Sigruðu þær nokkuð örugglega á 69 höggum eða 3 höggum undir pari vallarins. Kaupfélag Skagfirðinga sá um að veita verðlaun í mótið og voru veitt verðlaun fyrir fyrstu fimm sætin ásamt einum aukaverðlaunum.