Staðarreglur á Hlíðarendavelli 2026

  1. Vallarmörk
    – Girðing umhverfis völlinn og hvítir hælar.
  2. Vegir, slóðir og stígar.
    Gamall vegur á 2/11 og 3/12 braut, göngustígar og slóðar án ofaníburðar eru hluti vallar. Annars er leyfilegt að taka lausn frá ofaníbornum vegum og stígum, samkvæmt reglu 16.1. (sjá skilgreiningu á „hindrun”).
  3. Óhreyfanlegar hindranir.
    Ruslafötur, bekkir, brýr yfir skurði, tröppur við girðingar og teiga, fjarlægðarhælar, vegvísar, auglýsingaskilti, fánastangir, fánaborg, vökvunarkerfi, bjalla við 4. flöt og hælar sem styðja við eða skýla trjám eru óhreyfanlegar hindranir. Sjá reglu 16.1
  4. Hreyfireglur til bráðabirgða.
    a. Á brautum. Þegar bolti leikmanns liggur innan almenna svæðisins og þar sem gras er slegið í brautarhæð eða neðar má leikmaðurinn taka vítalausa lausn einu sinni áður en högg er slegið með því að færa boltann innan skorkorts (15cm) þaðan sem boltinn liggur (regla 14.1), þó ekki nær holunni og ekki út fyrir almenna svæðið. Þegar lausn er tekin skv. þessari staðarreglu verður leikmaðurinn að velja stað til að leggja boltann og fara eftir aðferðum við að leggja bolta aftur skv. reglu 14.2b(2) og 14.2e.
    b. Á flötum. Engar hreyfingar eru leyfðar.
  5. Hegðun
    Almennar staðarreglur um hegðun leikmanna á GSÍ mótum eru í gildi. Brot á hegðunarreglum geta varðað vítum eða frávísun. Í öllum opnum mótum gilda “Móta- og keppendareglur GSÍ” frá 11. apríl 2022. Að öðru leyti skal leikið samkvæmt golfreglum R&A Rules Limited.
    Almennt víti fyrir brot á staðarreglum:
    Holukeppni: Holutap.
    Höggleikur: 2 högg.
    Hælar og línur:
    Bláir hælar eða línur: Grund í aðgerð. Sjá reglu 16.1.
    Bláir og hvítir hælar: Bannreitur innan grundar í aðgerð, þaðan sem leikur er bannaður.
    Liggi bolti leikmanns á reitnum, eða bannreiturinn truflar stöðu leikmannsins eða sveiflusvið, verður hann að leita lausnar samkvæmt reglu 16.1f.
    Rauðir hælar: Vítasvæði. Sjá reglu 17