Kennsla

Sumarið 2017 munu Atli Freyr Rafnsson og Arnar Geir Hjartarson sjá um að leiðbeina börnum og unglingum í GSS. Þeir hafa komið að kennslu barna og unglinga sem aðstoðarkennarar þeirra PGA golfkennara sem kennt hafa hjá klúbbnum undanfarin ár. Arnar Geir mun sjá um þjálfun eldri hóps og Atli Freyr um yngri hóp og Sumar-Tím hópa.

Þá mun John Garner golfkennari heimsækja okkur í nokkur skipti í sumar og kenna bæði einstaklingum og hópum.

John R. Garner er fæddur 9. janúar 1947 í Englandi en býr núna í Taranaki á Nýja Sjálandi þar sem hann starfar við golfkennslu. John Garner er fyrrum atvinnumaður í golfi en hann gerðist ungur atvinnumaður eða 16 ára. Hann vann eitt mót á Evróputúrnum á sínum ferli (British Match Play Champion 1972) og síðan á Evróputúr öldunga (Senior Tournament Champions of Champions 1999). Garner tók þátt í Ryder Cup keppninni árin 1971 og 1973 fyrir hönd Evrópu. Einn besti árangur Garners var árið 1974 þegar hann lenti í 11. sæti á Opna Breska meistaramótinu en það ár vann Gary Player mótið í þriðja skiptið.
Garner er heiðursfélagi í bresku PGA samtökunum og Nýsjálendingar kalla hann stutta-spils gúrú. Garner hefur verið landsliðsþjálfari í gegnum tíðina og var til að mynda fyrsti landsliðsþjálfari Írlands árið 1983 og þjálfaði þar Darren Clarke PGA atvinnukylfing sem vann Opna Breska árið 2011. Garner þjálfaði íslenska landsliðið í golfi frá árunum 1989-1996 og flutti síðan til Íslands 2001-2002 og kvæntist íslenskri konu, Svölu, árið 2004.

Garner hefur þjálfað golf í langan tíma við góðan orðstír og er hvalreki fyrir hvaða golfklúbb sem er.  Við hvetjum alla til að nýta sér þetta einstaka tækifæri.  Nánari upplýsingar hjá Árnýju (s.8499420, arnyl@simnet.is).

John Garner
Master PGA Professional
Verðskrá:
Einstaklingar 40 mín. – 8.000kr.
Hjón / pör 1 Klst. – 12.000kr.
Hóptími 4-6 manns, 1 ½ klst. – 5.000kr. á mann

Former National Coach to Iceland, Wales, English Ladies and Ireland
Ryder Cup Team 1971, 1973 British Match Play Champion 1972
Senior Tournament Champions of Champions 1999
Honorary Member of the PGA
Status of Master Professional of the PGA 2012