Um GSS
Golfklúbbur Sauðárkróks var stofnaður 6. nóvember 1970 að undirlagi Rotaryklúbbs Sauðárkróks og nokkurra áhugamanna um golfíþróttina. Upp úr 1977 hófst starfs klúbbsins að ráði og var þá farið í framkvæmdir við golfvöll. Í dag eru um 170 manns í Golfklúbbi Sauðárkróks. Einstaklingar innan klúbbsins hafa náð eftirtektarverðum árangri í einstaklingskeppni og unglingasveitir klúbbsins hafa í þrígang orðið Íslandsmeistarar. 
Hlíðarendavöllur var lagður á árunum 1980-1983 af eldhugum sem unnu í sjálfboðavinnu dag og nótt við að gera hann sem best úr garði. Niðurstaðan varð glæslegur golfvöllur sem er áskorun fyrir alla kylfinga. Völlurinn er í hópi lengstu golfvalla landsins og er sérstaklega erfiður fyrir þá sem spila á rauðum teigum. Af hvítum teigum er völlurinn tæplega 6000 metrar. Af gulum 5636 metrar og af rauðum 4876 metrar.
