Author: webnotandi

Útnefningar UMSS til kylfinga GSS

27.desember hélt Ungmennasamband Skagafjarðar samsæti í Ljósheimum þar sem veittar voru viðurkenningar til þeirra íþróttamanna í Skagafirði sem skarað hafa fram úr á árinu. Einnig var útnefndur íþróttamaður ársins hjá UMSS.

Byrjað var á því að veita Hvatningarverðlaun til ungra íþróttamanna. Fyrir hönd Golfklúbbs Sauðárkróks fengu Alexander Franz Þórðarson og Anna Karen Hjartardóttir viðurkenningu.

Því næst voru veittar viðurkenningar fyrir lið ársins. Fyrir hönd Golfklúbbs Sauðárkróks fékk sameiginleg telpnasveit GSS/GHD/GFB viðurkenningu fyrir að lenda í 3.sæti á Íslandsmóti Golfklúbba 15 ára og yngri í Vestmannaeyjum s.l. sumar. Í sveitinni vorur frá GSS Anna Karen Hjartardóttir, Rebekka Barðdal Róbertsdóttir og Una Karen Guðmundsdóttir. Sigurvegari í þessum flokki hjá UMSS var kvennalið Tindastóls í knattspyrnu sem var í 2. sæti í annarri deild og vann sér þar með sæti í 1.deild að ári.

Telpnasveit GSS/GFB/GHD var tilnefnd sem lið ársins

Þá var komið að útnefningu á Íþróttamanni Skagafjarðar. Fyrir hönd Golfklúbbs Sauðárkróks var Arnar Geir Hjartarson tilnefndur. Íþróttamaður Skagafjarðar að þessu sinni er hins vegar Þóranna Sigurjónsdóttir frjálsíþróttakona úr Tindastóli sem náði frábærum árangri á árínu.

Golfklúbbur Sauðárkróks óskar Þórönnu til hamingjum titilinn. 

Categories: Afreksstarf

Aðalfundur GSS 26.nóvember s.l.

Aðalfundur Golfklúbbs Sauðárkróks var haldinn 26.nóvember s.l. í golfskálanum á Hlíðarendavelli.

Á fundinum var kosin ný stjórn og í nefndir. Helstu breytingar vor þær að Kristján Bjarni Halldórsson var kosinn nýr formaður, Kristján Eggert Jónasson er nýr gjaldkeri klúbbsins. Þá er Guðmundur Ágúst Guðmundsson nýr formaður vallar og skipulagsnefndar.

Á fundinum var einnig samþykkt ný gjaldskrá fyrir starfsárið.

Á fundinum var afhentur fyrirmyndarbikar golfklúbbsins og fyrir valinu að þessu sinni varð Guðrún Björg Guðmundsdóttir.

Upplýsingar um stjórn og nefndir ásamt nýrri gjaldskrá er að finna hér á heimasíðunni.

Categories: Félagsstarf

Meistaramóti GSS lokið

Meistaramóti GSS 2018 lauk nú um helgina
Meistaramót Golfklúbbs Sauðárkróks í flokki fullorðinna var haldið 4-7.júlí.
Keppt var í nokkrum flokkum og var þátttaka með ágætum í flestum þeirra.
Veðrið var með ágætum alla dagana þrátt fyrir að veðurspár voru ekki sammála, og voru veður spár mun verri en varð í raun. Spilaðar voru 72 holur á fjórum dögum í öllum flokkum nema öldungaflokki kvenna þar sem spilaðar voru 54 holur.
Hlíðarendavöllur er í sína besta standi eins og síðastliðið sumar og ástæða til að hvetja fólk til að skella sér á völlinn.
Lokahóf meistaramóts var síðan haldið í Golfskálanum laugardagskvöldið 7.júlí.
Klúbbmeistarar GSS að þessu sinni urðu þau Árný Lilja Árnadóttir og Arnar Geir Hjartarson.
En helstu úrslit og skor voru eftirfarandi:


Meistaraflokkur karla:
1. sæti. Arnar Geir Hjartarson 317 högg.
2. sæti. Brynjar Örn Guðmundsson 322 högg
3. sæti Jóhann Örn Bjarkason 328 högg


Meistaraflokkur Kvenna:
1. sæti. Árný Lilja Árnadóttir 331 högg
2. sæti. Hildur Heba Einarsdóttir 366 högg
3. sæti. Sigríður Elín Þórðardóttir 374 högg, en hún varð í 3. sæti eftir umspil við Dagbjörtu Rós Hermundardóttir.


1. flokkur karla.
1. sæti. Guðmundur Þór Árnason 353 högg
2. sæti. Andri Þór Árnason 359 högg
3. sæti. Friðjón Bjarnason 368


2. flokkur karla.
1, sæti. Þórhallur Rúnar Rúnarsson 448 högg
2. sæti. Pétur Björnsson 588 högg


Öldungaflokkur kvenna.
1. sæti. Ólöf Herborg Hartmannsdóttir 318 högg
2. sæti. Hafdís Skarphéðinsdóttir 334 högg
3. sæti. Kristrún Snjólfsdóttir 384 högg

Categories: Mótanefnd