Eitt stærsta mót sumarsins, Icelandair golfers mótið, verður haldið á laugardaginn. Hvetjum við alla til að skrá sig á rástíma sem fyrst því það skapar erfiðleika fyrir mótanefnd að skráning fari einungis fram daginn fyrir mót. Skráning er á golf.is

Þriðjudaginn 21 júní verður haldið nýliðamót á Hlíðarendavelli fyrir þá sem eru með 30 í forgjöf eða meira. Mótið er tilvalið fyrir þá sem eru að stíga sín fyrstu skref á vellinum, en farnar verða 9 holur. Kl 17:00 verður Richard Hughes með ókeypis golfkennslu fyrir þátttakendur, en mótið sjálft hefst klukkan 18:00. Skráning á www.golf.is

Góða veðrið lætur bíða eftir sér og fóru kylfingar ekki varhluta af því á öðru Ólafshúsmótinu sem haldið var í gær. Rok og kuldi settu mark sitt á mótið og hafði áhrif á alla nema sigurvegarann í punktakeppni með forgjöf, en Guðni Kristjánsson sigraði með yfirburðum og lækkaði í forgjöf, meðan aðrir spiluðu illa. Haraldur Friðriksson sigraði í punktakeppni án forgjafar.

Minnt er á Opna Fiskmarkaðsmótið á Skagaströnd 17. júní. Eftir það fara í gang öflugar mótahelgar með Icelandairmóti og Kvennamóti, þannig að nú er rétti tíminn til að taka golfið föstum tökum.