Golfklúbbur SkagafjarðarVegna samninga við birgja getum GSS nú boðið golfkylfur frá Titleist og Ping á verði sem er sambærilegt eða lægra en þekkist í golfbúðum í Reykjavík. Nú er hægt að prufa Ping I-25 kylfur. Ping driver og Ping kvennakylfur með því að hafa samband við Elvar Inga Hjartarson, sem mun sjá um að halda utan um lán á kylfunum.
Á Hlíðarendavelli á Sauðárkróki fara fram tvö mót um helgina. Á laugardag er Opna Steinullarmótið og á sunnudag verður íslenska útgáfan af The Open leikin en mótið fer þannig fram að keppendur draga nafn eins kylfings sem er í toppbaráttunni í Opna breska meistaramótinu og gildir sameiginlegt skor.
Hlíðarendavöllur er í góðu standi og er ástand vallarins mun betra en á völlunum á Eyjafjarðarsvæðinu. Það er því tilvalið fyrir kylfinga að skella sér á Krókinn í golf.
Margir lögðu hönd á plóg við kleinusölu til styrktar unglingastarfi GSS nú á sunnudaginn. Margir foreldrar eyddu morgninum í að fletja út, búa til kleinur og steikja. Bestu þakkir til þeirra allra sem og til allra ungu golfarana sem þeystu út um allan bæ og seldu kleinur með dyggri aðstoð bílstjóra og aðstoðarfólks.
Enn er dálítið af kleinum eftir og hægt er að setja sig í samband við Hjört Geirmundsson eða tala við afgreiðslufólk í golfskálanum.