Golfklúbbur Skagafjarðar
Demodagur á Hlíðarenda miðvikudaginn 4.júní kl. 16-19
Þorsteinn Hallgrímsson kylfusmiður og golfkennari kynnir nýjustu kylfurnar frá Titleist, Callaway, Cobra, Ping og Mizuno. Dræverar, brautartré, járn, blendingskylfur, pútterar, golfpoka og kerrur. Þar geta kylfingar, byrjendur sem lengra komnir prófað allt það nýjasta í golfkylfum.
Við hvetjum sem flesta til að nota tækifærið og ræða við sérfræðinga í golfinu!
Stjórn GSS
Frá 17.maí er völlurinn opinn fyrir alla, jafnt klúbbmeðlimi sem aðra. Við viljum taka fram að völlurinn er mjög viðkvæmur og er áríðandi að gengið sé vel um hann einkum þarf að gæta þess að laga boltaför á flötum og setja torfusneppla í för á brautum. Golfkerrur eru nú leyfðar. Bendum við á að þeir sem ekki eru félagsmenn í klúbbnum geta greitt vallargjald með því að setja greiðslu í pósthólf við skálann og þar er hægt að nálgast skorkort. Þá er boltavél á æfingasvæði í gangi og hægt að kaupa token í boltavél í Hlíðarkaup.
Næstkomandi fimmtudag kl. 17:30 verður vinnudagur á Hlíðarenda og er ætlunin að þrífa skálann og leggja hellur fyrir framan hann. Við hvetjum sem flesta félaga til að mæta og hjálpa til – kaffi og nýbakaðar vöfflur handa vinnufólkinu.
Stjórnin