Author: Golfklúbbur

Síðasta vetrardag var gengið frá ráðningu golfþjálfara hjá GSS fyrir sumarið 2014. Hlynur Þór Haraldsson PGA þjálfari og Pétur Friðjónsson formaður GSS skrifuðu undir samning í blíðskaparveðri í klúbbhúsinu á Hlíðarenda.

Hlynur er útskrifaður með réttindi PGA golfkennara úr norska golfkennaraskólanum,  starfaði sem yfirþjálfari hjá Sticklestad golfklúbbnum og síðustu ár sem þjálfari hjá Golfklúbbi Kópavogs og Garðabæjar. Hann mun sjá um alla þjálfun hjá klúbbnum og einnig koma að skipulagningu og uppbyggingu kennslutilhögunar til næstu ára.  Það er mikill hvalreki fyrir klúbbinn að fá Hlyn til starfans og er mikil tilhlökkun og væntingar bundnar við komu hans.

Nánari upplýsingar um Hlyn og kennslu má finna hér síðunni: http://www.gss.is/um-gss/kennsla/

Þá eru æfingar barna og unglinga hafnar og allar upplýsingar um þær er að finna hér á síðunni undir Unglingastarf

 

 

 

 

 

 

 

12 þáttakendur voru í Sparisjóðsmótinu en keppt var á Bay Hill vellinum. Sigurvegarar fengu að launum gjafakort sparisjóðsins:

Með forgjöf:        

1. Reynir Barðdal  58 högg
2. Ingvi Þór Óskarsson 61 högg

Án forgjafar

1. Ingvi Þór Óskarsson 67 högg
2 – 3. Reynir Barðdal  72 högg
2 – 3  Arnar Geir Hjartarson 72 högg

 

SPARISJÓÐSGOLFMÓT
Í golfherminum

22. og 23. mars 2014
Leikið verður á Bay Hill v2 vellinum

 

 

Forsendur auglýstar í herminum.

Leikmenn:    Konur og öldungar (70+) leika af rauðum teigum

Karlar leika af bláum teigum

Keppnisfyrirkomulag: Höggleikur með og án forgjafar.

Tvenn verðlaun veitt í hvorum flokki.  1. verðlaun, gjafakort kr. 7.500.-   2. verðlaun, gjafakort kr. 5.000.-

Styrktaraðili mótsins er Sparisjóðurinn.

 

Við útreikning á forgjöf leikmanns er miðað við grunnforgjöf hans og hækkar aukastafur ,5 og hærra  leikforgjöf upp í næstu heilu tölu en ,4 og lægra lækkar leikforgjöf niður í næstu heilu tölu.

Gert er ráð fyrir að þriggja manna holl leiki þennan völl á innan við þremur tímum.

Keppnisgjald: Kr. 1.000.- (ekkert gat á gatakort)

Skráning í mótið fer fram hjá Guðmundi Ragnarssyni  í síma 893-5601 og geta keppendur valið leiktíma miðað við það sem hér kemur á eftir:

Laugardaginn 22. mars geta 5 holl spilað, kl. 9, 12, 15, 18 og 21.

Sunnudaginn 23. mars geta 3 holl spilað, kl. 8, 11 og 14.

Skráningu lýkur kl. 12:00 föstudaginn 21. mars n.k.

 

Óski fleiri eftir að taka þátt í mótinu en rými er fyrir samkvæmt ofangreindu áskilur golfhermisstjórnin sér rétt til að bæta við rástímum föstudaginn 21. mars. n.k.

Keppendur skulu sjálfir færa skorkort, skráð af skjánum, og fá þeir það í hendur áður en leikur hefst. Að leik loknum kvitta leikmenn undir.

Komi það fyrir á meðan að leik stendur að tölvan frjósi eða geri annan óskunda er hægt að byrja upp á nýtt, fara í „new hole“ og hefja aftur leik á þeirri holu sem óhappið átti sér stað á. Þá kemur sér vel að hafa handfært skorið á skorkort þar sem skorið í tölvunni er væntanlega glatað.