Ingibjörg sigrar á Hlíðarkaupamótinu

Ingibjörg Guðjónsdóttir sigraði af öryggi á Opna Hlíðarkaupamótinu sem fram fór síðast liðinn laugardag. Í öðru sæti varð Sigurður Hauksson og í því þriðja Hlynur Freyr Einarsson. Mörg mót er framundan á næstu dögum. Háforgjafarmót á þriðjudag, meistaramót hefst á miðvikudag og lýkur á laugardag og á sunnudaginn verður stórskemmtilegt mót sem tengt er British open. Hvetjum við sem allra flesta að taka þátt í þessum mótum enda veðurspáin afar góð.

Categories: Óflokkað

Upphaf holukeppni og Hlíðarkaupsmót

Golfmótin halda áfram og hvetjum við alla til að skrá sig í næsta miðvikudagsmót, sem jafnframt er upphaf holukeppni GSS. 16 efstu á mótinu komast áfram í holukeppnina. Jafnframt er Hlíðarkaupsmótið næstkomandi laugardag og að vanda vegleg verðlaun frá Ásgeiri í Hlíðó.

Categories: Óflokkað

Frábær helgi að baki

Fjölmennt var að Hlíðarenda síðastliðna helgi, enda tvö stórmót á dagskránni. Á laugardaginn kepptu 55 konur á Kvennamóti GSS í frábæru veðri og var stemmingin stórkostleg að vanda. Keppt var í punktakeppni og sigraði Anna Einarsdóttir úr GA en í 2 og 3 sæti urðu heimakonurnar Sigríður Elín Þórðardóttir og Aldís Ósk Unnarsdóttir. Allar konurnar fengu vegleg verðlaun á mótinu, sem hlýtur að var einsdæmi í mótahaldi á Íslandi, en fjölmörg fyrirtæki á Sauðárkróki og víðar lögðu þar höld á plóg.

Á sunnudaginn fór síðan fram Nýprent open. Skrautfjöður GSS í barna- og unglingastarfi. Veðrið var frábært á laugardaginn, en enn betra á sunnudaginn, um 20 stiga hiti og logn, sem er sjaldgæft á Hlíðarenda. Milli 70 og 80 börn – og unglingar tóku þátt og fylgdu foreldrar flestum börnunum þannig að margt var um manninn. Frábær árangur náðist á mótinu. Margir lækkuðu verulega í forgjöf og greinilegt að starf þjálfarans hjá GSS er að skila sér. Á fæstum höggum fór Arnar Geir Hjartarson GSS eða 74 en Ásdís Guðmundsdóttir GHD var best stúlkna á 85 höggum. Úrslit eftir flokkum og myndir má sjá á síðu unglingastarfsins www.gss.blog.is

Categories: Óflokkað