Aðalfundur GSS 2020 var haldinn 30. nóvember.  Fundurinn var netfundur að hluta: stjórnin var í skála en aðrir fundarmenn sóttu fundinn með hjálp Teams. Á dagskrá voru venjuleg aðalfundarstörf.
Sigurjón Gestsson var kjörinn heiðursfélagi GSS fyrir áratuga sjálfboðavinnu við gróðursetningu og umhirðu gróðurs á Hlíðarendavelli.

Árið 2020 kom vel út í golfinu, starfið var blómlegt, félögum fjölgaði og fjöldi ferðakylfinga heimsótti Skagafjörð.  Félagið varð 50 ára og fagnaði stórafmælinu með ýmsum hætti.

Ekki urðu miklar breytingar á stjórn eða nefndum. Stjórn og nefndir 2021:  http://www.gss.is/um-gss/stjornnefndir/

Á fundinum var greint frá endurnýjun samninga milli GSS og Sveitarfélagsins Skagafjarðar.
Einnig var sagt frá afmælisgjöf sveitarfélagsins til kaupa á golfhermi. Nýr golfhermir mun koma sér vel í starfinu, ekki síst við þjálfun barna og unglinga.

Stórn GSS þakkar félögum fyrir gott golfár 2020 og fyrirtækjum fyrir stuðninginn á 50 ára afmælisárinu.

Við hlökkum til starfsins 2021 og bjóðum nýja félaga velkomna.

Aðalfundur Golfklúbbs Skagafjarðar (GSS) verður haldinn mánudaginn 30. nóvember kl. 20:00. Vegna samkomutakmarkana verður fundurinn netfundur. Dagskrá: Venjuleg aðalfundarstörf skv. lögum félagsins.

Þeir sem ætla að taka þátt í aðalfundi þurfa að skrá sig fyrir 29. nóvember með því að senda tölvupóst á formadur@gss.is. Í tölvupóstinum þarf að koma fram nafn og netfang þátttakanda.

Hér má lesa ársskýrsluna og ársreikning. Einnig er powerpont kynning á skýrslu formanns.

Í ársskýrslunni er tillaga til aðalfundar að gjaldskrá 2021. Tillagan er hér:

Tillaga að meistaramótsreglum

Til hamingju með afmælið kæru félagsmenn Golfklúbbs Skagafjarðar. Þann 9. nóvember árið 1970 boðuðu til fundar þeir félagar Friðrik. J. Friðriksson og Reynir Þorgrímsson, félagar í Rotaryklúbbi Sauðárkróks, til að kanna áhuga á golfíþróttinni á Króknum. Á fundinn mættu ríflega 20 manns sem töldust því til stofnfélaga Golfklúbbs Sauðárkróks.

https://www.feykir.is/is/frettir/golfklubbur-skagafjardar-50-ara-i-dag