Golfklúbbarnir á Sauðárkróki, Blönduósi og Skagaströnd hafa ákveðið að ganga til samninga við Gwyn Richard Hughes sem golfkennara næsta sumar. Richard er með PGA gráðu í golfkennslu og hefur kennt golf víða um heim. Hann er nú golfkennari í Egyptalandi, en hyggst taka sér leyfi frá störfum þar í nokkra mánuði og kenna hér yfir sumarmánuðina.

Richard Hughes er Walesverji að uppruna. Keppti á sínum tíma í golfi og var margfaldur unglingameistari. Hann hefur kennt í heimalandi sínu auk Póllands og Tékklands og er nú eins og áður sagði í Egyptalandi, þar sem hann er yfirkennari.

Golfklúbbarnir á Norðurlandi vestra vænta þess að koma Richard Hughes verði lyftistöng fyrir golf á svæðinu og vona að sem flestir nýti sér þjónustu hans. Auk unglingaþjálfunar mun Richard bjóða upp á námskeið fyrir byrjendur og einkakennslu fyrir lengra komna.

Fræðslu-og bíókvöld verður í golfskálanum á Hlíðarenda sunnudaginn 13.febrúar n.k. og hefst það kl. 19.30.

Árný ætlar að vera með fræðslu varðandi líkamsæfingar fyrir golfara til undirbúnings fyrir golfvertíðina sem að nálgast óðfluga.

Síðan verður horft á einhverja skemmtilega bíómynd.

Gos verður í boði klúbbsins en hver kemur með sitt snakk og sælgæti með sér.

Endilega fjölmennið og látið berast til allra sem að hafa áhuga.

Golfklúbbarnir á Sauðárkróki, Blönduósi og Skagaströnd hafa um nokkurt skeið leitað að golfkennara, einkum til að sjá um unglingastarfið á komandi sumri. Golfklúbburinn á Sauðárkróki hefur um langt skeið státað af öflugu unglingastarfi og hafa unglingar þaðan oft orðið Íslandsmeistarar í liðakeppni, og einstaklingskeppni og klúbbarnir á Blönduósi og Skagaströnd hafa í hyggju að efla mjög starf sitt fyrir yngstu kylfingana. Tilkoma heilsársvegar yfir Þverárfjall gerir golfkennara kleift að sinna kennslu á þessum þremur stöðum, án verulegra ferðalaga. Áhugasamir geta haft samband við Hjört , hjortur@fjolnet.is, GSM 821-7041  og fengið nánari upplýsingar um fyrirkomulag kennslu og greiðslur vegna hennar.