Entries Tagged as ''

Nýliðanámskeið GSS

Golfklúbburinn kynnir nýliðanámskeið fyrir fullorðna byrjendur í golfi.

Námskeiðið er innifalið í félags- og nýliðagjaldi í klúbbnum.  Það tekur á öllum þáttum golfsins s.s. spili á velli, púttum, vippum, fullum höggum, siða- og golfreglum, auk kynningar á inniaðstöðu.

Námskeiðið endar með golfmóti og lokahófi.

Æfingar verða kl. 17:30 – 18:30  mánudaga og fimmtudaga, hefjast fimmtudaginn 2. júní og standa í 6 vikur eða 12 æfingar.

Komið og njótið félagsskaparins.

Skráning á gss@gss.is.  Nánari upplýsingar um námskeiðið gefur Jón Þorsteinn PGA golfkennari í síma: 618-1700.

Fræðslufundur

Almennur fræðslufundur verður haldinn í golfskálanum að Hlíðarenda mánudaginn 30. maí kl. 20:00

Í fyrra fór Jón Þorsteinn golfkennari yfir helstu krafta golfsveiflunnar.  Nú verður farið yfir helstu mistök sem hinn almenni kylfingur gerir í golfsveiflunni.  Frjálsar umræður og spurningum svarað.  Fróðlegar upplýsingar fyrir þá sem hafa áhuga á golfleiknum

Endilega látið berast og takið með ykkur gesti.  Kaffi á könnunni.

Fjölskyldudagur að Hlíðarenda

Fjölskyldudagur verður haldinn í golfskálanum að Hlíðarenda á sunnudaginn 29. maí kl: 14:00.
Golfþrautir og skemmtun, vöfflur og kaffi.
Skiptimarkaður á golfbúnaði.
Þeir sem vilja vera með á markaðnum eru beðnir um að mæta tímanlega með vörur á markaðinn.

Allir velkomnir – endilega látið berast.