Kynningarfundur verður kl.17:30 þriðjudaginn 4.júní vegna golfskóla Golfklúbbs Sauðárkróks. Við viljum sérstaklega hvetja alla foreldra þeirra barna sem hafa skráð sig í golfskólann í sumar að mæta. Farið verður yfir starfið og einnig verður nýr golfkennari, Mark Irving, kynntur til sögunnar.

Að loknum þessum fundi eða kl.18:15 verður síðan kynning á Ólafshúss-mótaröð klúbbsins sem fer af stað miðvikudaginn 5.júní og verður vikulegt mót á miðvikudögum í allt sumar eins og undanfarin sumur. Farið verður yfir fyrirkomulagið í sumar og skemmtileg viðbót  við mótið ( besta holan ) verður kynnt á fundinum. Við viljum hvetja alla félaga klúbbsins til að mæta. Einnig verður farið yfir breytta forgjafarröð á holum á vellinum.

Að sjálfsögðu verða þessir fundir haldnir í golfskálanum á Hlíðarendavelli.

Athygli er vakin á því að opnunarmót, sem vera átti laugardaginn 1. júní hefur verið aflýst og fyrsta mót félagsins því miðvikudagsmót 4. júní.

Völlurinn verður að sjálfsögðu opinn á laugardaginn þrátt fyrir að mótið falli niður.

mótanefnd

Golfkennarinn Mark Irving býður upp á nýliðanámskeið í sumar. Kennt verður í hópum 6 manns í einu. Fyrsta námskeiðið hefst mánudaginn 3. júní kl. 18:00. Á námskeiðinu verður farið yfir helstu atriði varðandi golfíþróttina og er upplagt fyrir nýliða að hefja sumarið á námskeiði sem þessu.

Áætlað er að hverju námskeiði ljúki á viku og nemendur hittist 3-4 sinnum á þeim tíma. Heildar kennslutími eru 3-4 klukkustundir. Námskeiðið kostar 8000 krónur pr einstakling.

Hægt er að panta pláss á námskeiðinu í netfanginu unnar.ingvarsson@gmail.com eða í síma 892 6640.

Einnig verður hægt að panta einkatíma hjá golfkennaranum. Verð fyrir eina kennslustund er 3000 krónur en hægt er að kaupa pakka. Þá býður kennarinn einnig upp á vídeókennslu sem er 75 mínútur og kostar 8000 krónur á mann.

Félagsmenn GSS sem aðrir sem áhuga hafa á að bæta golfsveifluna eru hvattir til að nýta sér þjónustu þessa reynda þjálfara.