Vorfundur GSS var haldinn 10. júní. Þar kynnti stjórnin dagskrá sumarsins fyrir félagsmönnum. Farið var yfir stækkunarhugmyndir og bárust engar athugasemdir.
Einnig var fjallað um umgengni og voru fundarmenn sammála um mikilvægi þess að ganga vel um völlinn. Mikilvægt er að allir félagsmenn virði takmarkanir og lokanir sem grípa þarf til þegar ástand vallarins er viðkvæmt.
Á fundinum kom fram að félagsmenn eru um 250 talsins. Nokkrir vaxtarverkir fylgja fjölguninni, svo sem þörf fyrir stærri bílastæði. Einnig var bent á mikilvægi þess að bæta aðstöðu fyrir pútt og vipp. Þá kom ábending um að bæta 9. flötina.
Stjórn GSS þakkar öllum sem mættu. Mikilvægt er að geta hist til að ræða málin.

Áfram GSS!

Hér fyrir neðan eru forgjafartöflur eftir vallarmat 2021. Töflurnar hanga líka á vegg í golfskálanum. Þú notar töflurnar til að finna vallarforgjöf þína á Hlíðarenda út frá grunnforgjöfinni (sem er á Golfbox). Finndu teiginn þinn (gulan, rauðan, …). Grunnforgjöfin er í vinstri dálk, finndu á hvaða bili þú ert (handicap index) og lestu vallarforgjöfina (course handicap) í hægri dálk.

Árshátíð Golfklúbbs Skagafjarðar 2021
Borgarmýri 1
10. júlí kl. 20.
Borðhald, verðlaunaafhending, skemmtiatriði og Danssveit Dósa.
Nánar auglýst þegar nær dregur.