Opna KS mótið fór fram á Hlíðarendavelli laugardaginn 8. júní og var það fyrsta opna mótið sem haldið hefur verið í sumar. Alls voru þátttakendur 40, flestir frá Golfklúbbi Sauðárkróks en einnig gestir frá Húsavík, Akureyri,  Ólafsfirði og Blönduósi. Keppt var með Texas Scramble fyrirkomulagi sem þýðir að tveir eru í liði og fá að velja betri boltann eftir hvert högg. Sigurvegarar voru þeir feðgar Elvar Ingi Hjartarsson og Hjörtur Geirmundsson sem spiluðu völlinn á 63 höggum nettó eða 9 höggum undir pari vallarins. Jafnir þeim voru þeir Bergur Björnsson og Kjartan Fossberg, en þeim gekk heldur verr á seinni 9 holunum og urðu því í öðru sæti.  Jóhann Örn Bjarkason og Ólafur Þorbergsson urðu í þriðja sæti. Gefandi veglegra verðlauna var Kaupfélag Skagfirðinga og eru þeim færðar bestu þakkir fyrir höfðingsskapinn.

Röð efstu para                                                           Brúttó    –   Nettó
Elvar Ingi Hjartarson – Hjörtur Geirmundsson                 67        63
Kjartan Fossberg – Bergur Björnsson                            65       63
Jóhann Bjarkason – Ólafur Þorbergsson                      68       66
Magnús Gunnarsson – Þórleifur Karlsson                   70        67
Benedikt Jóhannsson – Karl Sigurðsson                       71        67
Ingvi Óskarsson – Arnar Geir Hjartarson                      70        68

Á þriðjudaginn 11 júní verður fyrsta nýliðamót sumarsins haldið. Á nýliðamótunum eru leiknar 9 holur og eru þau tilvalin vettvangur fyrir byrjendur til að mæla hvar þeir standa og hitta aðra sem eru á svipaðri getu. Þeir sem eru undir 30 í forgjöf geta ekki tekið þátt í mótinu. Skráning er á www.golf.is en einnig er hægt að fá aðstoð við skráningu í skála.

Á miðvikudag er síðan annað mótið í Ólafshúsmótaröðinni og er þátttakendum bent á að skrá sig á rástíma á golf.is.

Veitingahúsið Ólafshús er einn af aðal styrktaraðilum GSS og í gærkvöldi var kynnt mótaröð, svokölluð Ólafshúsmótaröð, sem fram fer á miðvikudögum í sumar. Haldin verða 10 mót og veitir Ólafhús verðlaun fyrir þau öll en jafnframt fyrir besta árangur sumarsins með og án forgjafar. Þá var kynnt nýbreytni í mótaröðinni, svokölluð „besta hola“, þar sem kylfingar geta valið þrjár bestu holurnar á hverjum hring og skráð í sérstakt mót, sem gert verður upp í lok sumars.

Stuðningur Ólafshúss er klúbbnum ómetanlegur og færir stjórn klúbbsins stjórnendum þess sínar bestu þakkir fyrir stuðninginn.

Fyrsta mótið fer síðan fram í dag. Skráning á www.golf.is