Opna Friðriksmótið fór fram á Hlíðarendavelli laugardaginn 15. júní. Alls voru 30 þátttakendur.  Keppnisfyrirkomulagið var punktakeppni með forgjöf.  Halldór Halldórson GSS sigraði með yfirburðum með 41 punkt, í öðru sæti var Bergur Rúnar Björnsson GÓ með 36 punkta og í þriðja sæti var Jónas Már Kristjánsson einnig með 36 punkta en einum punkti minna en Bergur á seinni 9 holunum.  Styrktaraðilar voru ÖrninnGolf, SkjárGolf og Fjölnet og er þeim færðar bestur þakkir fyrir stuðninginn.  Í verðlaun var driver, hybrid kylfa og pútter, áskrift af SkjárGolf í 12 mánuði og Internetáskrift hjá Fjölneti í 21 mánuð. Veitt voru verðlaun fyrir efstu sjö sætin.

1.  Halldór Halldórsson GSS – 41 punktur.
2.  Bergur R. Björnsson GÓ – 36 punktar.
3.  Jónas Már. Kristjánsson GSS – 36 punktar.
4. Hlynur Freyr. Einarsson GSS – 36 punktar.
5.  Einar Einarsson GSS – 35 punktar.
6.  Árný Lilja Árnadóttir GSS -34 punktar.
7.  Atli Freyr Rafnsson GSS – 33 punktar.

Bróðir Atla Freys og sonur Árnýjar Lilju, hinn 13 ára gamli Hákon Ingi Rafnsson var í 8 sæti einnig með 33 punkta.  Rafn Ingi Rafnsson faðir Atla Freys og Hákonar Inga og eiginmaður Árnýjar Lilju var í 9. sæti með 32 punkta.  Óskum þessari miklu og samrýmdu golffjölskyldu innilega til hamingju.

Laugardaginn 22. júní  fer fram Norðvesturþrenna I á Skagaströnd GSK.   Keppendur geta skráð sig á www.golf.is og í síma 8925080 og 8923080.  Verðlaun verða veitt fyrir 3 efstu sætin í höggleik kvenna og karla og fyrir 5 efstu sætin í punktakeppni.  Munið að skrá ykkur tímanlega á þetta stórskemmtilega mót sem haldið er á hinum rómaða Háagerðisvelli.

Arnar Geir Hjartarson lék best 34 keppenda á mótinu en hann spilaði á 76 höggum og sigraði í punktakeppni án forgjafar með 32 punkta. Í punktakeppni með forgjöf urðu efstir og jafnir Hlynur Freyr Einarsson og Jónas Kristjánsson en þeir fengu 37 punkta.

Næstu helgi fer fram Friðrksmótið, sem haldið er árlega til minningar um Friðrik Jens Friðriksson héraðslækni, sem var heiðursfélagi klúbbsins. Mótið er öllum opið og skráning á www.golf.is

Samhliða lokum á fyrsta nýliðanámskeiðinu verður haldið kynningarkvöld í Golfskálanum að Hlíðarenda þar sem farið verður yfir starfsemi klúbbsins. Skráningu á golf.is og fleiri atriði sem snúa að því að byrja í golfi. Einnig verður farið yfir helstu golfreglur og farið út á völl með þá sem voru á nýliðanámskeiðinu en aðrir byrjendur og nýliðar eru einnig velkomnir.

Kynningarkvöldið hefst kl. 19:00 fimmtudaginn 13. júní.